MTB traversata rif Lancia Papa del 02/09/2006

Gh'e' ben me fradel che g'ha en ginocio mez KO e se l se fa mal, me mama la me tira el col.... ma gh'e' da nar! E cosi' ancoi provem la traversata de tutt el Pasubio: so bem che per qualche toc la bici tra el Lancia e l Papa ghe sara' da butarla.... ma dovria eser solo qualche picol tochet: enveze..... Per spezzar en do la salita nem en macchina fin Malga Valli (quota 1515) e da qi alle 10:30 partim en bici, anzi no: fem do pedalae e me se daverze a meta' la camera d'aria de drio (no sbusada, ma sciopada!). Finia la riparaziom se parte per davvero. En circa trequarti d'ora avem za passa' Malga Costoni, el bivio per Terragnol e sem alla Sella delle Pozze (1903m). Da qi finiss la mulattiera e besoign meterse el cor en paze, qualche toc sul senter se dovera' butar. En realta' sara' ben pu' i tochi che se g'ha la MTB en spalla che sotto el cul. En te na mezora de tribolae passem la sella est dei Campiluzzi e dopo n'altra mezz'ora de saliscendi, con me fradel che nrabia' el seta a domandarme en do cavolo l'ho porta', arrivem alla salita, da far tutta bici in spalla, che porta al passo Sette Croci (2077m). Da qi, se e' praticamente arivai al rifugio: ancor 10 minuti e finalmente se pol montar en sella e scender vers el rifugio Papa: arivem alle 13. En sala da pranzo gh'e' masa casim e alora ne contentem de na birra media e do strudel. Tornem en sella e per la "strada degi Eroi" en 10 Km de sterrata arrivem al Passo pian delle Fugazze. Da qi proseguim en discesa per la Vallarsa fin a Parrocchia, al ristorante delle miss. Qi l'e' doverosa n'altra tappa birra prima del salitom che ne speta per tornar alla macchina. Alle 15:30 risaltem en sella, e arivai ai Anghebeni se prosegue en salita per Valmorbia, Zocchi e quindi, pasa' i Acheni risalim per la strada (serada per cantier) che porta a Vanza. Da qi proseguim per Bocalt, e Pozza. Qi me fradel el g'ha na crisi de zuccheri, al punto che el se ferma a magnar na barretta scadua. Sem ancor a quota 700 e besogn arivar a tor la macchina a 1500. Spetandolo en varie tappe, arivem cosi' a Giazzera, e finalmente alle 17:30 a Malga Valli. Gh'e' su en casim che basta la meta': musica a palla, cagni e... i anarchici de Roveredo. Ne fermen li' cosi' sol el temp de ordinar na birra e beverla de resta: ne l'erem propri meritada!




Da malga Valli: alla partenza. Sullo sfondo el Stivo e l Care' Alto.


El Kepo, incredulo, el varda la camera dária che ghé sciopa' ala partenza


Se continua per carrozzabile.... qi a Malga Costoni.


...e passata sella delle Pozze se scominzia a butar....


...e se continua a spinger anca en salita vers el passo Sette Croci


e dal passo Sette Croci, finalmente el button bike, l'e' fini'.


...e adess scominzia la discesa vers el rifugio Papa (el bandom de fer en foto l'e' el bivac subit sora el rifugio)



Ste pagine l'e' stae cargade volte da visitatori dal 3 de agost 2005