SCIALPINISTICA Redival del 26/03/2006

Viste le temperature sempre pu' alte, il sospetto de poder scominziar a trovar firn, l'e' pu' che fonda'! Gh'e' da nar a zercarlo! E cosi', ovviamente in esposizione sud, la sveglia la g'ha da esser propri bonoriva: se ciava che stanott cambia l'ora e se partim da Roveredo col Max e l'Alberto ale 6 e 20 l'e' come se fusa le 5 e 20 dell'ora vecia... gh'e' da nar! E cosi' dopo na bona colaziom al bar de Commezzadura, arrivem al parcheggio per Malga Strino, subit prima del passo Tonale che l'e' le 8 e en quart. Sem i ultimi! El parcheggio l'e' za' piem...beh, se ciava, i passerem tutti! E cosi' sci dala macchina, e via de bona lena e en 25 minuti sem za' ala Malga strino ala fin dela forestale con tut el gruppo dei scialpinisti (sara' sta 25 persone) za' alle spalle! Puntem cosi' en tel vallom, e tegnindone alla destra del doss centrale guadagnem metri fin a quota 2340, endo che se ariva en te na piana. Qi, sem za' a meta', e ne fermen n'attimo giust el temp che el Max el se tira a um i pei con en par de compeed (l g'ha i calzoti fruai). Mi de buffe ghe n'ho doe dal gieri drio ai calcagni, ma...besoign darghe contro e cosi' me le tegno... per sentir men mal, pero' zerco de far pontere pu' dolze, semmai con qualche inversiom en pu'. Adess la salita la continua sui pendii a destra dela piana e balza su balza arivem a quota 2700...e par de eser za su. Ma me ricordevo ben che en realta' quel che se vede l'e' l'antizima e i ultimi 20 minuti de tribolada i e' scondui. Senza rampant e con n'ottimo ritmo (senza pero' mai tirarne el col) arivem su che l'e' le ondese: 1400 en 2 ore e 40.... e sem en tel gruppo de testa! Ne fermen enzima na desina de minuti per do foto e trar zo qualcos, po', quando scominzia a arrivar la comitiva de tuti i altri pensem ben de molarne en zo. L'e' firn! Che bela sciada! E cosi' seguendo (con qualche variante pu' erta a sinistra) le tracce de salita, tra na spazzolada al firn e qualche ripresa ne svizinem al rio en te la piana dela malga.... e... se taca a sfondar. La temperatura l'e' alta, sel sente, ma per fortuna dala malga, taca la forestale che co la nef bela calcada dai passaggi la porta e... en te n'atimo sem zo: i primi! Le macchine dei altri scialpinisti le gh'e' ancor li tute e... col calt che taca a far de sicur no i e' drio a far zima do volte! Sem stai propri bravi e allor ne meritem de finir la gita co l'immancabile birraccia media e ciopa de speck dale "rumene" de Male'!







El parcheggio l'è za pien... sem ultimi!!! Gh'è da nar!
e en vinti minuti sem za en vista dela malga
balza su balza, ne basta 2 ore e 40 per el....
BERGHEIL!
Dopo na sciada da foc, sem ormai ala malga...
...e qi la nef la mola propri!
ultimi a partir e... primi a 'rivar!!!!!!


Ste pagine l'e' stae cargade volte da visitatori dal 3 de agost 2005