ESCURSIONISTICA Cauriol del 09/11/2008
En esposiziom nord de ne ormai ghe n'è zà massa per nar a pestolar, e anca a vardar el bolletim dela montagna, sora i 2300 par che se poda nar da ben poche bande...
Zerto che el Cauriol, mal che la vaga con drio en par de ramponi e na picca, sarìa na bella soddisfaziom portarlo a cà! e allor... gh'è da nar! Me trovo così enfont alla Valsugana co l'Anton e dopo na colaziom al solito bar de Lamon, ne fiondém su per el Primiero, direziòm Canal San Bovo, Caoria, rifugio Refavaie. Ghe sém, anca se tra mi ghe parto con ai pei i Nepal Extreme (diaolopo'... no som miga drio a nar a far e 4000!!!) e l'Anton co le scarpe da trekking (tra rivi, nef e paltan?), l'è en bon rebus a capir chi l'è che ha fat meio! E sentér el se impenna subit su per el bosc, i segnavia i dà la zima a quattro ore e meza, ma la prima ora, guadà en par de rivi, avém zà bel che magnà for i primi 600 metri de dislivèl. Se salta for così en campo aperto sulla forestale a Malga Laghetti, e qi encrosém do taliani che ne consiglia de far la salita del Cauriol per la nuova via dei alpini, fatta nova st'am: pù erta, ma tutta esposta a sud, sulle pree... nef no doveresém trovarne, po' la discesa podém farla tranquillamente dalla via Italiana o quella Austriaca a seconda della nef... Dopo en spegàz for per i boschi taiai da poc, a zercar i segnavia della via alpina, ne la tolém pù dolza e alla ciesa militare l'è ora de na prima pausa per trar zo qualcoss da magnar. Adess, passai i 2000 metri, se entra en campo aperto e l senter el se empenna tra trincee e marrocchi da saltarghe su. A vardar quant carga che l'è lì di fronte zima d'Asta, no se diserìa de riusir a superar i 2000 senza toccar nef. E enveze, per le una sem enzima per el Berg Heil! Ancoi en vetta sol en gruppo de 3 de Roveredo che e' giust riparti' vers val. Vist che l temp el s'è davèrt for, ne la tolém comoda per magnar en par de ciope de pam, e quindi pensar alla discesa... la via Austriaca, anca se l'era la me preferita, l'è decisamente meio evitarla senza sci d'alpinismo... e allor ne fiondém zò da quella taliana. El prim toc de gresta con tutta la nef che gh'è sul sentér el me dà resòm a mi circa la scelta dei scarponi. Passa' for el toc giazà se traversa la conca e se arriva al pass endo' che se ritaca la via austriaca. Da qi, basta demo' smontar en val altri 1000 metri, prima per senter e po' per forestale da malga Laghetti en zo. Ma vist che la parte sora ne la sem tolta comoda, sotto, per recuoperar temp fem anca do bone sgasae de corsa, quindi alla macchina, l'è doverosa la tappa birra.... ma el rif Refavaie l'è serà, e l'unica locanda for per la val no l'è massa invitante, e allor, l'è deciso: spritz a Fiera de Primiero, e n tel locale meio! Cosi' tra en spritz e l'altro, l'Anton el n'aprofitta per conoser dò putèle che le ne consiglia anca la locanda lì vizina a Tonadico per trar zò na pizzotta... ma quella, la meriteva decisamente de men...
Gh'è da nar! Destinaziom... Cauriol! L'Anton el parte co le scarpe da trekking: sperente de no trovar massa nef! |
|
|
...de zerto le e' pu' agili a saltar for i rivi (basta no pociarghe i pei) |
...prima se punta a Malga Laghetti... |
|
|
...e po' (qua sem all'arrivo della forestale alla malga) se trovera' i bivi de salita... |
...noi per evitar el pu' possibile la nef, saltem sulla via dei alpini: na dorsale tutta esposta a sud... |
|
|
...e difatti de nef no gh'è traccia: ma che pietraia! |
...e a ciapar quota se passa su per le vecie trincee... senza mai perder pendenza... |
|
|
l'è tutt na pontèra, no la mola n'attimo! |
Berg Heil! ... dai Kepo che te sei arrivà ... endo vot nar, ancor em su?! La salita l'è finia! |
|
|
Na firmada al libro de vetta... |
Adess podém molarla vers val: i versanti a Nord i è bei carghi de nef... |
|
|
La molém dritta en direziom del passo Sadole... |
...endo che gh'è el bivio tra la via italiana e quella austriaca.... eh, eh, Kepo...sel sa bem che te sei tentà , ma vista la nef che gh'è nei versanti nord (via austriaca) ancoi ne toca desmontar da quella italiana! |
|
|
...d'altronde con tutta la nef che vedem via sul versante nord de Cima d'Asta, no se diseria che endo' che sciòca el sol gh'è ancor i prai verdi! |
Ste pagine l'e' stae cargade volte da visitatori dal 3 de agost 2005