SCIALPINISTICA Peilstein del 04/03/2006

La zona l’era chiara, Val d’Ultimo, ma la destinaziom podevem sceglierla tra tre zime lì entorno. E cosi’ dopo eserne trovai ale 6 a Calliam e dat n’ocio ale previsiom del temp: brutim e con vento forte da sud-ovest, avem deciso. La gita che risponde alle nostre esigenze (…diaolopò se parlo en ponta!) la deve averghe esposiziom nord-est: el Peilstein! Ale 8 men en quart sem zà lì che ne enviem su per la forestale dal parcheggio de Toten Rast. En tei versanti sud la nef el sol el l’ha zà cavada…. Ma no l’è en problema nos: continuem così su per el bosc fim a arrivar a en prim gruppo de malghe. Qi la spiana e continuando a guadagnar metri tegnindose sempre en fianc al ri, arrivem a dei praoni e a en bivio. L’è sol n’ora che nem e i primi 800 metri i è za nai. El ritmo, ancoi tegnù dall’Alberto, l’è ottimo, ma da qi el sviluppo el deventa eterno: e prima de arivar ale malghe da endo che se vede la zima pasa n’altra ora… e sol 300 metri de dislivel… Dopo en goz de acqua, ripartim vers i canai che porta en vetta, sempre sotto na sfalivada, ma ne sparmien vent e nebbia. La nef la ne dà poca fiducia… e così schivem i canai (e zerti i ha zà slavinà…) e preferim narghe al vers passando per la dorsale rocciosa… pori sci, a dribblar sassi! Ma almen arivem enzima senza problemi. Na volta su, el vent nol ne sparmia e neanca la nebbia: ne fermem così giust el temp de firmar el libro de vetta e riciapem la via de discesa. Vista la bruta nef, pensevo quasi saresem tornai zo a pè per le roccette…ma su giusta proposta del Mich, avem seguì i vari canai vizini ala dorsale, e a parte le canalari fatte alle solette, almen avem scia! Tornai en tel vallom, è tornà anca la visibilità e dopo aver saludà el Gheda, el Marco e l Mamo (i avem encontrai che i vegniva en su: lori i era partidi n’ora dopo de noi…), sem calai vers el bosc e, finalmente, sotto la malga pù en bass (endo che gh’era el bivio) sem riusidi a far anca quattro bele curve en te la polver. E così zo per el bosc e… via a magnar na ciopa de speck e l’immancabile birraccia media. Sem stai si veloci che ancoi g’avem temp…. Envenze de tornar en macchina per Meran, decidem così de passar per la nova galleria che collega la Val d’Ultim alla Val de Non e così en ten quaranta minuti sem zà vers Cles e quindi vers cà.




El gross del sviluppo l’è sempre entorno al ri…


…dopo n’ora se arriva al bivio che porta alla malga en la foto: e a tornar zo da questa (le serpentine l’è le nose) avem trovà polver


…e po’, bosc, bosc, finchè appare en font al vallom le malghe de quota 2080…


per capir la relaziom del Gionco g’avem da far le nose: la g’ha la foto de vetta sbagliada! E così orientà la cartina en te n’attimo capim subit en do che gh’è da nar…


…e ripartim vers la zima del Peilstein (Sasso en taliam) sul fondo…


…quattro zete tra le sicure roccette…


…e sem su…


Ma vist el temp, l’è meio no fermarse masa: gh’è da nar… a val!



Ste pagine l'e' stae cargade volte da visitatori dal 3 de agost 2005