CAROSELLO Rovereto del 04/07/2006

Eh beh.... en casin for dale regole le e' propri poche le volte che se pol farlo.... ma stasera.... se vinze l'Italia.... nem en finale! E cosi' dopo l'allenamento de dragon boat e aver varda' i primi do tempi regolamentari co la squadra en quel de S.Cristoforo al lago, a zinque minuti dala fin, vist che el risultato nol se sbloccheva dal zero a zero ho deciso de lanciarme en zo vers casa: che se resto ancor qi en po' en Valsugana coi compagni de squadra e i me ordina altre do birre medie rosse.... me toca star qi la not a smaltirle! Beh, i tempi supplementari i scolto ben per radio: a guidar l'e' no spettacolo: no gh'e' en volta nessuni e appena scominzia' el secondo tempo supplementare (cosa???!!!! 25 minuti Perzem-Roveredo???!!!! Che delinquente!) som za a Roveredo a vardar i do gol della vittoria dell'Italia coi soci del paess davanti a na birraccia... Finia la partia, tutti en preda all'entusiasmo se decide de nar en centro zita' a far baldoria.... peca' che e' tuti en moto e mi.... en macchina. Poc mal, sento i cosini, che enveze i s'era trovai a vardarla al'averta a Trembelem... anca lori i e' li' che i parte per vegnir en zita' a far casim. Bon, salto en macchina e en te n'attimo som a casa a tor su la moto. ...e fago bem! Infatti la zita' l'e' tuta bloccada! ...ma per le macchine! En moto, enveze, passo for tutt corso Rosmini strombazzando sui marciapiedi tra i pedoni. All'altezza dela posta gh'e' do vigili che devia el traffico per farlo tornar endrio e lasar la parte alta del corso sol ai pedoni. Molo li' la moto e me envio en piazza a far en giro e veder el casim: che pienom! E qualcheduni se tra zo anca en la fontana. Vist che pero' no ho incontra' ne' i soci del paess ne' i cosini, me envio vers la moto e entant ciamo el Dema (me cosim) per veder endo che i e': "sem a meta' corso en colonna....". I raggiungo! E tra tuta l'esaltaziom che gh'e' i se stupiss no poc a vederme arivarghe encontro con for la man (e tutti che dalle macchine i me batte el 5...). Eccoli! E cosi' salto anca mi sul casson del Pick-up del Giobbe... sem su en 10!!!! Con el compressor per le trombe da 80 litri apena carga' a Trembelem, en bandieron 3mx2 e quattro bele putele.... che per dar ancor pu' en te l'ocio le se cava fora en reggiseno! Beh... che figada! Fen tre giri del corso col Pick-up e i vigili...i g'ha poc da fermarne....ma farne circolar! Ma tanto tra zent sui coerti dele macchine e en 3 sulle moto senza casco.... i podeva serar via meza zita'! Dopo esserne riorganizzai al Follon, ripartim per n'ultim carosell, quindi mi riciapo su la moto e me envio vers ca'.... endo che, anca se l'e' ormai le 2, ne troven tutti a saludarne e a pensar sa far se festeggierem anca domenega: el Giobbe l'ha dit che l tol su el Daily!!! Sperem!




Tuti en colonna for per el Corso....
A bordo: Giulia, Jele, Micky, Kepo, Giobbe col so socio e le 2 putele, e in cabina Marco e Dema.


...eh si' eh.... co ste bele putele a bordo dem propri en te l'ocio! e drio gh'e' anca el Kepo co la maietta della squadra endoss....no della nazionale....ma del Dragonearth!


dopo 3 boni giri, ormai senza voze, nem al Follon a riorganizzarne... e ciapar fia'... prima de n'ultim giro!


E ala fin, aven propri attira' l'attenziom: i n'ha nota' anca i giornalisti!



Ste pagine l'e' stae cargade volte da visitatori dal 3 de agost 2005