ESCURSIONISTICA Stivo del 04/11/2009

E' finitaaa!! Ieri ultimo giorno lavorativo dell'anno! E allor... vist che me resta demo' na stimana prima de nar sotto i ferri: gh'è da nar!! El Stif da ovest no l'ho mai fat, e allor, vist che anca se l temp l'è brutt sarà nef sora i 1000 metri, partìm dai mili metri de malga Campo (Drena), sora casa del Davide alle 9 la matina. El prim toc l'è tutt en seguir de forestale, po' scavezém via vers destra su improvvisai senteri (scoerti de nef) e n tel giro de n'ora sem al famos tornèl per le vacche endò gh'è el quadrivio per nar su Stif/Cornett/Bordala. Fioca che basta la metà: massa bel! Avanti vers el Stif allor e qi se passa en mez alle mughe en almen 30 schei de nef... batte traccia el Davide che sto periodo l'è zerto pù allenà de mi, arrivem a en bivio endò che per la zima besogneria ciapar a sinistra, ma vista la nef e l giaz sotto el senter la fem pù comoda slongandola sol zinque minuti e passando drio el rifugio: ciapém a destra. Saltai for dai mughi, no sem pù a nord sottovent... e sel sente! Bufera, nebbiom, fret... 10 minuti scarsi de gresta e... Berg Heil! ne riparém giust 5 minuti en tel punto de osservaziom dele altre zime per trar zo en toc de cioccolata, en goz de brulè (del Kepo) e na bona ciòpa de speck (del Davide). El fret el se fa sentir propri de brutto, e allor, ne enviém de balla de volta... per le 1 e 1/2 sem alla macchina, e anca el temp l'è drio a daverzerse for. Ma adess el pensier l'è al disnar: eheh, el Davide, el me nvida a so cà e per l'occasiom el me fa en bom risotto... alla birra!!! Ma saralo po' 'na ricetta tirolese?




Oh, che lusso! Parcheggiem la macchina giusti giusti alla quota neve... gh'e' da nar!


Su en te la bufera per i boschi sora Drena... po', enveze che empotar dritti la gresta, puntem a passarghe da sora el riugio (a destra al segnavia)...


..e dopo na bella temprada... Berg Heil! (Sfruttem el segnazime de vetta per ripararne n'attimo dalla nef a magnar na ciopeta... quindi, vist che l Davide el me prepara el riso alla birra... volem vers val...


...e en te n'attimo sem de volta a Malga Campo



Ste pagine l'e' stae cargade volte da visitatori dal 3 de agost 2005