XXXI Marcia del Pasubio Trembelem del 21/06/2009

I la ciama la pù bella marcia del Trentim, e zugando en casa, no podém mancar: anca perché iscrivendone come gruppo del paess, forse portém a cà la coppa! Ne trovém col Kenny, l'Herman el Gioppi en paess alle 7 e 1/4, quindi diretti per Giazzera: diaolopo', tra pullman e macchine forèste che no ha mai guidà en montagna (e che spuza de friziom brusade!) vem le 8 e 1/4 avanti che riusinte a arrivar (anca perchè el Gioppi el se fa sempre spetar... solit quart d'ora de ritardo..). I parcheggi i è strapieni: e quanti pullman! Oltre a 3 pullman dell'esercito, gh'è n'esercito de pullman e macchine da VR, PD, TV, VI e nfim MI! Sarà anca famosa come marcia... ma a quant se vede sol en Italia! Fatta l'iscriziom al volo, subit ghe dao na tirada de recie al bagarim che me vol vender el bigliett del so gruppo ("diaolopo'! me par de veder le gare podistiche quando i bagarini i se vende pur de vinzér na coppa!"). "No, no!" -ghe digo- "Qi en Trentim ste robe no se le fa!". I percorsi i sarìa sta 7Km, 10Km, 20Km, 25Km e 30Km. I 30Km purtroppo i è serài per nef, ma zà che sem en compagnia anca col Franco, Alida e so fiola, ne va benom anca iscriverne ai 20Km: tanto l'è na marcia, miga na gara! 8.30.. pronti, via! Subit se parte en lizéra salita vers el sassom della Pozza e a gran falcae, lassando passar sol i corridori, ma sempre en sorpasso sui altri, en 40minuti sém al prim ristoro dei 5Km. Adess gh'è la pontéra da 500metri che ne sbara su ai 1800 e rotti metri del rifugio Lancia, endò che, dopo na bella tirada de recie all'Herman che voleva taiar for per i senteri, la empontem dritta e decisa.... Km8.. ghe sem! Magném, bevem en goz de the, quindi... eh eh... na birretta al rifugio la ghe staria propri bem! E difatti... ottima birretta e brulè (ma sul brulè, preferiso no far commenti... forse el vim l'era de fonda...). Al rifugio, gh'era la vidimaziom dei tagliandi de gara: i n'ha firmà per far i 20Km, ma quando vegnim a saer che se fem i 25Km, trovém vim e grappa e anca el stand dei nosi paesani: gh'è da nar! 25Km aggiudicati! Rento sempre a passo svelto, continuando a passar e farne sorpassar dai alpini che rallenta sol el minut per cantar (noi enveze rallentém ai gazebo per bever en goz de pu'!), arrivém al ristoro dei 1900m de Alpe Pozza: e qi ne aggregém a en pochi de zona che conossém e dopo en bom the corretto grappa, ripartim en saliscendi sul versante de Terragnol, vers Campobiso, Frattoni: al pass sem circa al Km14, e qi bechém tuti i paesani (sorpresi finalmente da veder en pochi del posto) che tegn el ristoro: zio Tony, Mauro, Franco, Elio... e en par de bicieròti de bianc i va zò come el rosolio... Ripartim sto colp de corsa mi e l Kenny puntando en discesa a Malga Valli, altro ristoro, altro bianchett... e qi spetàndo i altri del gruppo (che enveze perdém dal tutt e ritroverem direttamente a disnar: i s'è fermai a bever en tel bait del Conci...) ne riciapém col Franco e l'Alida che i era drio a far el giro dei 20Km. L'è prest mezdì e 3/4, quindi i ultimi 6Km i fém tutti de corsa en discesa: 25minuti e sem alla cassa de Giazzera a ordinar birre e ovviamente, polenta luganega e fasoi. Fatte le premiaziom arriva a magnar anca i altri paesani e.. zo de birre! Entant i ne ciama for anca per ritirar la coppa del gruppo del paess e anca i premi (eh eh... un per um! Ma no l'è boze de vim... l'è libri.. e allor ghe i laserem en la biblio del paes!). Altre birre e quando el taol l'è bel piém ciamem lì anca la nossa assessora (che tuti i ne envidia: la Carfagna en confront no la ghe enzola neanca le scarpe!) per en brindisi e sentir quando se farà le prossime feste... Quando ormai sem restai i ultimi e i taoli i è drio a smontarli, passa en sior e l ne lassa lì ancor en par de boze de bianc: e allor avanti! Tutt fa sangue per riciaparne i sali minerali della marcia. N'altro par de brinidisi coi pompieri del posto (che pero' ghe toca tengirse) che i ne conta della situaziom de volontariato zò en Abruzzo e l'è prest le 6... gh'è da nar! Gh'è da nar! ..en val a far l'aperitivo al bar pù IN de Roveredo! Nem al Mani al Cielo... ma zerto, braghe e maniche corte e ... birra en man! Stém de rumba fim le 9 e 1/2 a bever e soprattutto a organizzar la prossima traversata integrale che farém tutti, en 4 dì en le ferie de luio, quindi, per le 10 finalmente se pol nar a buttar zo i ossi: no... quei no i è strachi... ma el fegato, quel sì!




Alla partenza de Giazzera: pensar che qi da ormai l'an passà no ghe abita pù nessuni... e ancoi... i parla de tremili persone!


Diaolopò... pecà... i 30Km besogn farli picca e ramponi!


Quando en Trembelem i fa le robe, i le fa bem! Addirittura i cartei stradai per la marcia!


Arrivai al Km8, gh'è lì el rifugio Lancia davèrt, che ne fa na gola...


Zà embriaghi? Naaa... en foto erem drio a schivar bale de nef... ma po' via de balla che al Km12 ne speta...el ristoro co la sgnapa bianca!


E vers el Km15, arrivém al gazebo allestì dai paesani delle Porte... e qi da en par de bianchetti no se pol propri tirarse endrè!


...quindi avanti vers Malga Valli per el prossimo ristoro!


Super KEPO!! Al taglio del traguardo! 25Km e 900m de dislivèl) anca ancoi... ma l'è meio no farghe l'alcoltest!


E alle premiaziom n'arriva anca el trofeo da portarghe al Gruppo Montagnola en paess!



Ste pagine l'e' stae cargade volte da visitatori dal 3 de agost 2005