I PROMESSI SPOSI Trembelem/Roveredo del 02/08/2008

Pasada la serata a tacar for i cartei dei sposi (lavai zo' al volo dal temporal for per la not), e stecada la serata a birre medie zo per le betole de Roveredo, la matina levo alle 8 con giust 5 ore de som.... ma ancoi l'e' propri en gran di'.... se sposa me fradel (l'e' la volta bona che dopo 30 e passa anni podo averghe la camera per mi!) e col Gioppi sem so testimoni de nozze. Coi salti mortai che s'è dovèst far per organizzar tutt l'è propri en matrimoni da "Promessi sposi" ...ma sto colp, Don Rodrigo, i bravi e la monaca de Monza i lassém a cà! Me tiro a um (tira' en ghingherli, anca co la camisa nova che m'ha obbliga' al gieri a torme la vecia) e volo al piazzal per le 9 e 1/2 e trovarme coi soci del paess: alle 10 dovem esser a me ca' per el brindisi al spos! Ma alle 10 men 10 me ciama me fradel: "Kepo!! Corri a casa subit! Gh'e' n'emergenza!".. e diaolopo', sa sara' success??? Averalo cambia' idea? No, ma en tel completo da spos i s'era desmentegai de meterghe rento i calzoti! E cosi' ho dovest darghe i mei dele feste che gh'evo entorno... Torna' dai soci, raccattem el me camion cassona' da cantier, che evem scondu' e addobba' al gieri a casa del Gioppi, e saltai tutti sul cassom (a parte i testimoni, che guida en cabina), nem a far el brindisi a me ca' con 4 bozze del meio noss vim (eh,eh... st'am le vigne drio el cantier, le ha fat propri en bom goz de Müller!). Per le 10 e 40 trém su anca el spos sul cassòm del camion e porto tuti (mezi ormai zà embriaghi) al piazzal dei AC dela campana dei caduti (sperando de no encrosar la pula, che sennò sto colp, guidando con 20 soci sul cassom, dela me patente i fa coriandoi!) a farghe el revival dei tempi passai a me fradel, co n'aperitivo de bianc (servì direttamente dal sguazaort), en zigheret fumà coi bacheti (per no farghe sentir l'odor al prete?), en porno (mèz encollà... tant per cambiar...), e lezerghe la poesia fata zò per l'occasiom. El matrimoni l'è alle 11 e 1/2, e così ai 20, se salta tuti sul cassòm, e l'è la volta del carosell per el paess: portém el spos fim al Doss... ma po' ariva n'SMS per avvisarme che la sposa l'è a en chilometro da Trembelem (la cerimonia la fem chi en paess anca se la sposa l'è da Roveredo) e con en 360 da foc, rieso a scargar spos e soci ala ciesa entrar en tel parcheggio en tel piazzal, propri ensema al maggiolim dela sposa (la dona de me fradel). Fago na corsa en cesa a sentarme sul bancal dei testimoni e tegnindome esterno, som propri tacà al coro... e quindi... anca quel gh'è da far! Ovvio che la prima canzom per l'emoziom no rieso a cantarla, ma po' la messa la va via en fretta... sempre soto la supervisiom dela sposa che adiritura la riciama el prèt che è drio a saltar el scambio dei anei! (e a parte ela no se n'è ascort nessuni!). Ale preghiere de ringraziamento, resto stupì a veder scritt sul libret de matrimoni: "si ringraziano i genitori dello sposo Manuel, Grazia e Mario, si ringraziano i genitori della sposa.... si ringraziano i testimoni della sposa Andrea Veronica, Stefano e i testimoni dello sposo Kepo e Gioppi"... e sèm tuttorecchi a scoltar se veramente la sposa la ne ciamerà per soprannome anca en ciesa.... ma quando la leze, la gira vers de noi, la sorride.... e la diss i nomi giusti! Fate le firme, el prèt el me consegna la carta da consegnar al comun de Trembelem per formalizzar el matrimoni e dopo le foto de rito (diaolopo'.. mezzora de foto!!) e svodada la ciesa i sposi i salta for da en portom a forma de cor de compensà costruì per l'occasiom. Solito lancio de riso, basi e en tel piazal del gruppo sociale, adess, distribuim el bianchet direttamente dalla tanica (da 30L!) o sguazaort... entant el sposs el deve zercar le ciavi dela machina scondue en uno de 3 paroi de cemento francese.... co la mazza.... fat migole, ghe metem su na tuta de carta e ghe fem empastar n'altro parol de cemento per empienir el stamp (da en metro quadrato) col nome de elo e la so dona. Po' per montar en macchina no pol mancar el solito zuc dei balonzini e pellicola.... ma el maggiolim i n'eva categoricamente vietà de fodrarlo de pellicola (sennò se rovina la verniss)!!! Pero' essendo parcheggià drio el me furgom, è bastà parcheggiarghe na macchina drio el maggiolim, per tirar la pellicola da sta machina al furgom.. e quindi sto colp, i sposi de macchine i n'ha doveste scartar enfim tree! L'è ormai le 1 e 1/2, se ciava el ritardo, enviandose vers la tenuta endo che gh'è l disnar, la tappa al piazzal dell'Ossari per el rito del'ultima sega, besogn farla! E per me fradel, idraulico, ovviamente, sega del fèr e tubo da 3/4 zincà! Altro gòz de bianc e via al maso Sperondoro! El catering (eh,eh... mitico! tuti sudtirolesi de Brixen che parla todésc) l taca subit col buffèt de Kaminwurz, Speck, BrauenBrot... spumante... e se stà lì na bona mezora a becolar. Finalmente g'ho n'atimo per saludar e ciacerar con en po' de invitati (sem 130!)... e riveder me cosìna tornada da S.Domingo da ormai n'am, l'altra me cosina dalla Svizzera..... Sotto i alberi secolari en tel giardìm de drio è zà tutt pront e parecià.... e con en bom primo de Spätzle und risotto ai fonghi, a sbagliarse a mpienir i bicieri de l'aqua (grandi) col bianc, se perde en pressia lucidità.... drio la cosìna dei todeschi, po', se sèta a spinar birre... e sbassa, e alza e sbassa de grado se va propri tuti su de giri, e anca co le putéle al taol! Dopo la pausa sorbét, i tira zo dal spiedo i maialini e l secont, tra maialini alla brace, filett, e verdure grigliate el va zo che l se copa. Entant che i sposi i fa n scampòm a Trembelem per le foto, passa lì el Greg a consegnar la torta dei sposi (e bever na biretta), quindi con n'altro brindisi de fragolino, se pol passar ai zughi per i sposi... che i deve nar a scovar seguendo rime e indizi el pù vecio, la pù figa (e questa vel garantisso, l'è anca simpatica! ...en dì o l'altro la passerà bem a veder la casa dei sposi e l me cantér ;)! )... Quando scuriss, l'è ora de nar dentro al salom endò i g'ha ciamà anca el complessim per la musica live e continuar de birre... e ballar. E cosi', vers le dese, sperando che i veci i abbia pers en po' de lucidità per el testo compromettente (diaolopo'... va a finir che i me para for de casa mi!), sem pronti per cantarghe la canzom ai sposi.... si salvi chi può. Probabilmente no i g'ha fat massa caso alle parole e i ha applaudì tutti... che lusso! Bevi e balla fim mezzanot, e i mei (credo che l'è la prima volta che i vedo ballar) i se leva per nar a cà: ormai è restà sol i soci del paess, che però i g'ha zà en ment de nar a copar la rumba al concerto en zona industriale de Roveredo... e allor, vist che doman devo far 10Km de gara sul lac de S.Giustina, per no voltar via dal tutt, ghe scroco en passaggio ai mei. Per le 1 som soto le coerte, ma la testa.... se la gira!!!




Al piazàl dei AC (l'ultim prima della Campana dei Caduti) se va de alcol, porno e zighereti...


... po' se salta tuti sul furgom a far el carosell per el paess (Kepo!!! Guida piam che tei descarghi tutti!!)


Alla ciésa, arrivèm a far saltar zò el sposs propri entant che la sposa la ariva en paess dala zità.


Po', gh'è la funziom... e qi la dona de me fradèl la tende che l prèt nol sgarra na parola dal librèt... envenze el Gioppi l'è lì che l suda fret per la bala che l g'ha zà entorno dai biancheti dela matina.


E co la firma del Kepo, sto matrimoni se pol dichiararlo valido! KEPO!!!! Ma sa fat tirà così dalle feste!!!!


Finalmente, dopo le foto dei fotografi (eh sì... l'è stà propri en parto!) i vem for de ciesa!


E adess prima de partir per magnar, besogn trovar en tel cemento francese le ciavi dela macchina!


... e far zo anca en parol de zement per empienir el cor co le iniziali dei sposi (Manuel e la so dona.... ma come se ciamerala? Ahahaha!!!)


Adess, finalmente, nà volta scartà la macchina dei sposi se pol enviarse vers val...


..a scominziar de birre, vim e banchetti tirolesi, dal disnar...


...fin notte fonda! E allora, salute ai sposi!



Ste pagine l'e' stae cargade volte da visitatori dal 3 de agost 2005