SCIALPINISTICA Henne del 21/01/2006

In cresta di confine el n'ha fai 30 schei de fresca anca sta stimana.... e alora sa vot star en Trentim a far!? De contro gh'e' che en Austria e' attesa na perturbaziom e cosi', dovendo sceglier tra Ahrntal e Pflerschtal.... sto colp nem a veder la prima! Partim cosi' ale 6 da Calliam mi e l'Alberto e dopo che el Luca e 'l Mich i e' pasai a tor el Gheda, ne trovem al'autogrill de Brixen a far colaziom. Ale 8 e en quart arivem finalmente a Rio Bianco (Weissenbach) e gh'e' za' i scialpinisti che parte a frotte per le zime li' intorno. El Mich e 'l Gheda i entra subit en ambiente gara (sfida tra lori) e cosi', la salita de 1100 metri de dislivel, anca se gh'era da far traccia... se la fa a en ritmo (masa) veloce e.... en te n'ora e tre quarti (8:40-10:25) sem su. Poc da dir sula salita: no foto, e sempre a testa bassa (a parte el pendio che porta sulla gresta endo che gh'era da star en po' all'ocio per la nef fresca sora a en bel strato de brina de superficie): comunque bosc, forestale batua per slittini, dossi per bosco rado, gresta, zima. Enzima el vent no l'era el massimo comfort che podevem domandar e cosi' sem bem prest partidi vers la Pichler alm (una malga-rifugio) aperta sull'itinerario di salita. A parte la parte alta della discesa, pelata dal vento, la discesa nel polverom l'era divertente: de zerto el Luca, coi Freerando, el se l'e' godesta pu' de tuti! Ale 11 e 20 erem za' ala malga a ordinar birra media....e in effetti pareva en po' masa bonora per giustificar le 4 ore de macchina tra nar e vegnir.... e cosi' a mezdi' e' salta' for l'idea de far n'altra salita. Stavolta pero' enveze che puntar ala zima, 'na volta for dal bosc, punterem a un passo a sinistra (dove stamattina evem vist tracce de scialpinisti). Niente gare pero'! E cosi' ripartim per altri 500metri de dislivel e appena saltai for dal bosc (traversem na piana vers sinistra: e qi ghe' da far traccia. Per aver fat la prima salita masa en fretta a mi me s'e' enfiamma' el legamento (che evo stirona' sul Care' Alto sta primavera) e cosi' ho lasa' che se alternesa davanti i altri 4. Pasada la piana, arivem soto en pendio bastanza ert che nol ne pareva miga masa assesta', ma con calma, uno ala volta con 4 zete ghe sem saltai su. Arrivai al passo avem quindi punta' a n'altro passo li' di fronte (sol altri 10 minuti de sci) e quindi, quando ne sem resi conto de eser arivai drio alla stessa zima de stamatina (ma da drio e 150metri pu' en bas) avem cava' le pel e avem taca' la discesa. E qi la discesa ne la sem propri godesta: enveze che tornar vers la malga sem restai en tel vallom che scendeva dal passo dirett su Rio Bianco. Dopo eser vegnui zo' da en par de dossi vegniva el bel: polverom en tel bosc...rado! e cosi' dopo na bela mez'ora de salti podevem fermarne en la locanda del paess per na birraccia e na ciopa col speck, quindi vers ca'... a polsar... i legamenti del ginocio!







La forestale di salita che porta alla Pircher Alm: notar la zima sora….tira en vent da foc en quota!
Gia' incima!
…e l'è za' ora de na birra media alla malga!
E cosi', decidem de nar al passo de fianc ala zima: qi gh'è Kepo, Alberto, Luca, Mich. SI', si', el Kepo l'è drio a far traccia…. ma l'è en caso… de traccia ancoi l'ha fat sol sti pochi metri qua!
el pendio che porteva al passo: qui la stabilita' dela nef la pareva en po' precaria
el Kepo che ariva enzima al pass: no è vegnu' zo nient! …e adess se pol eser contenti e pensar ala discesa!
en realta' oltre al passo ne appare ste serpentine e cosi'…. decidem de raggiunger l'altro pas da en do che parte ste serpentine…. e da qi la molem direta fim a val!


Ste pagine l'e' stae cargade volte da visitatori dal 3 de agost 2005