SCIALPINISTICA Marmolada del 02/10/2007
"Se fioca sulla foia ven n'inverno che fa voia".... diaolopo'! Sperente de no! Ma entant se la nef la gh'e', star en ca' l'e' en delitto! Gh'e' da nar! Salta' l'uscita de sabo per impegni vari (indovine' en po' endo che l'ho passa'...), col Davide rinviem sol de en par de di'.... e la mattina alle 5 e 1/2 ne trovem a Trent per nar a tastar la prima nef della stagiom. Vendro som passa' anca a torme en nof par de bacheti en carbonio, per nar de pu'! .... ma sto colp, no gh'e' zonte che tegna: bachetti a pezzo unico, che almen som sicur che no i zede en tel momento del bisogno! Alle 7 e 20 arrivem al passo Fedaia: gh'e' zo 15 schei de nef lato strada.... mah! en po' doverem bem portarli! Trate su le pel, e colauda' i ARVA (el so ben che no i serviva.... ma el rumor del collaudo, dopo tanti mesi che nol sentivo el me mette de buonumor: beninteso! Sol el per el collaudo!!!!) manca en quart alle 8 che ne enviem, sci en man, su per la pista. No serve camminar tant: alla prima curva, dopo 50 metri de dislivell podem za postar le pel en mez alla nef e daverzer ufficialmente la stagiom scialpinistica 2008. I versanti sud, i e' za' bei lustri dalla nef, ma da sta banda, no se pol zerto lamentarse, anca se, dribblando sassi, a tornar en zo, doverem cavarli 200m. sora la macchina... Ma po', guadagnando quota, arrivai enzima alla pontera circa a 2400, ne fermen a bever en goz e se vede che de nef ghe n'e' en abbondanza. De buono l'e' che anca se l zero termico i lo da' a 3400, el rigelo el gh'e' sta' fin zo al pass e, l calt che ha fat al gieri el ne l'ha bella empaccada.... Traversem for el pianoro e quindi puntem dritti ai skilift sul ghiacciaio. Arrivai qi enzima, finalmente al sol, se pol concederse n'altra pausa, e quindi se punta alla funivia intermedia che salta su da Malga Ciapela. Qi, vist che l Davide l g'ha da tribolar assa' coi bacheti senza rosette che ghe se sfonda en te la nef, ne distacchem e ciapo en pass da.... pregara! Passa' via en par de crepi veramente grandi che taia la pista, passando su do bei ponti de nef, me fermo 100m. sora a trarghe n'ocio che passente su bem tutti e doi.... Per n'attimo me sgarriso ben quando ciapa' l'unico toc de traccia giazada, el Davide el rugola propri sul pont de nef e l perdo de vista.... ma.... e' na tut bem (e sara' meio!). N'altra bella sbregada e arrivo enzima con 15/20 minuti de anticipo.... diaolopo', Kepo se te vai! Ghe sem! Berg Heil! Ancoi sem i unici en vetta! Do foto, en goz de acqua, en zacom a do biscotti e... "ZO LE PEL!". La parte alta della discesa l'e' bona: polver pesante, e ben sciabile.... e qi ne fermen a saludar i unici altri do putei che s'e' fat la Marmolada ancoi: i e' drio a nar en su. Passa' i skilift e fatte 4 serpentine de fianc ai skilift, deviem a sinistra e ritraversem el pianoro. Da qi la nef, l'e' pu' pesante ma la grosta, per fortuna, ne la sparmien... smonta' zo cosi' dalle pontere della pista, dribblando parecchi sassi, arrivo al pianoro a quota 2200, quando, sentendo pianzer le solette, decido de cavar i sci e en 10 minuti som alla macchina. El Davide, enveze, avendoghe men ocio en tel dribbling dei sassi e i sci pu' novi (anca i mei a dir el vera i e' novi, ma tanto mi continuo a ripeterme che i asoti no ne i portem en la cassa, quindi.... gh'e' da nar!) el li preferiss cavar a 2300 e taiando zo drit for dalla pista, l'arriva alla macchina dopo aver passa' for na ferrata e placche tra mughi! L'e' le 11 e 1/2 che ne enviem vers val. Alle 2 e 1/4 g'ho en meeting a Trent, e allora, ne tolem anca tutt el temp de fermarne a magnar e bever birra al Backerei de Zian (co la barista che m'ha dat l'impressiom che la fessa a gara con mi a chi che parleva en dialet pu' stret!). Ghe sem! Descarga' la macchina, e trat su el colletto bianco alle 2 e 10 saludo el Davide e som pront per tornar en azienda a tirar envanti l'Italia (diaolopo'....).... ma za el pensier el va alla fin del turno: vizim ai sci, en macchina gh'e' za li' pronta la pagaia, e stasera, il drago chiama!
| Zo le terlaine dai sci e.... via che gh'e' da nar! | |
|
Fin qua (200 metri sora el pass) se podera' sciar tranquillamente a tornar de volta... | Ale' Kepo, che l'e' 'na pista! Qi sem ai skilift a circa 2500m. | |
|
Ancor en po' de riguardo ai crepi de tutt rispett che dovem traversar e.... | Berg Heil! | |
|
Zo, le pel e.... molarla!!!!! |
