SCIALPINISTICA Marmolada del 07/10/2008

Co la fiocada dela stimana pasada, me ciama el Teo per nar a inaugurar la stagiom en Marmolada... eh, eh... sto colp, punta' al bel temp previst el marti, e tolt en di' de ferie, se ciava el cantier: gh'e' da nar! Za de ferie st'an ne ho fate poche (se laora massa!), ma quando vago a trovar el dentista al luni de sera, l'e' ancor li' che l scava col trapen en man, che el me gufa alla grande con: "eh, bella la Marmolada... gh'e' da nar! Ma doman (marti), de sicur en po' de mal de denti nol te lo cava nesuni.... tote drio demo' dò antidolorifici, che magari te vai su anca pu' veloce!". Nooooo, diaolopo'... quei no podo torli (eh eh... a abbinar alcol e antibiotici da boci, per sparmiar dò soldi dela bala, se paga le conseguenze da grandi!)... e allor, giust per star tranquillo, na scatola de Tachipirina, ancoi, la vedo pu' utile de la saonetta per sciolinar le pel! Pronti,via... parto ale 7 e 20 da Trembelem e arivo su en Piné dal Teo (endò che è zà arivà anca el Davide) co le brioches per la colaziom. Carghém i asòti sua Modus e via de bala per el Fedaia. Arivém al pass che l'è le 9 e 3/4: l'è deserto, sem sol noi... meio! Anca la temperatura la par buona...Perdo en quart d'ora comot a tirarme a um per la prima dela stagiom, quindi, ligai i sci sui zaini ne enviem a pè su per i gieroni dele piste da sci. Gh'è ben qualche macia de nef, ma per trovar la pista bianca, dese minuti nol ne li cava nesuni: a 2200 metri, pero' finalmente, l'è ora... gh'è da postar zò i asoti per inaugurar la stagiom scialpinistica 08/09! Subit se ariva alla curva secca a sinistra e alla pontèra, ma per no perder l'abitudine, niente alzatacchi! El Davide ancoi l'inaugura anca i sci novi: quei dela famosa gita de marz sulla Lampsen e Zischgeles (quando anca me ero slogà la spalla) ghe s'era sciopà la soletta al prim giro... per fortuna, al'Amplatz i ghe l'ha cambiai al volo! Zerto che ancoi... a bagnar i sci novi sui sassi.... se ghen vol pel sul stoméc! Arivai al pianoro vers i 2600, entrém en te la valeta (uhuhu!!! Qi gh'è zà zo polver sul en bel fondo!!!) e saltém sul ghiacciaio... po' fate quatro zete (anca co la scusa de riscominziar a bater traccia en tel polverom) per saltar sul pendio a destra en vista del skilift, na pausa ne la concedem bem! Ma po' no gh'è pù scuse... se riparte de bona lena e... diaolopo'... alla faccia che l Teo el seta a dir che dopo la stagiom estiva l'è fuori forma! El ciapa en pass da paura... e l ne tira el col dal tutt... po', mi resto ciavà anca dale telefonate dei rapresentanti che seta a zercarme per tirar envanti el cantier de Trembelem... e quando alzo i oci... i è zà envanti 10 minuti! Empontada dritta se passa for i 10 metri piani davanti alla funivia intermedia che vem su da Malga Ciapela (e st'am no gh'è neanca el solit crep davert en mez ala pista), quindi resta la strozegada da far en religioso silenzio dei ultimi 300 metri. ...e a mezdi' e mez... Berg Heil! Ghe sem! Eh, eh, sarà anca sol 1200m de dislivel, ma esendo la prima dela stagiom, le gambe le accusa el strac... finalmente l'è ora de tirar for en tochet de ciocolata dal zaino... ma som propri li' che scatto la foto de vetta e... mitico! El Teo el tira for pizza e birra per tutti! Che bem! La Marmolada ancoi l'è sol nossa... no gh'è stà altri alpinisti che ha provà la salita... e allor dopo na bona pausa, zò le pèl, e sem pronti per la prima spolverada de stagiom! Ovviamente meio star centro pista (fora i crepi se i entravede... meio no risciar), ma se la parte sora l'è masnada da cani e porci che è stà su en tel weekend passà, na volta arivai sotto l'intermedia, se slarga i pendii e... gh'è polver per tutti! El toc pù bel l'è da qi, fim alla valletta sotto el ghiacciaio, quindi, passai for sulle piste da sci, besogn scominziar a sciar "de piatto" cioe' curvar quasi senza lamine, per evitar i danni dei sassi. A 2300, dopo aver autografà i sci novi con en par de geroi, el Davide el pensa ben de trat i asoti sula schena, mi... eh , eh.... finchè ghe n'è.... gh'è da nar! E cosi' arrivo ai 2200m del tornante de partenza. Ghe sarà anca se solete che sanguina, ma portar i sci a 10 minuti dalla macchina a inizio otobre, l'è sempre na bela sodisfaziom! Enviai zo per la val, vist che vista la stagiom, gh'è tuti i bar serai, ne fiondém direti en Piné dal Teo... E qi na bona Radler e na pizza al volo (eh eh... anca per merenda!!!) la ne va zò che la se copa. L'è ormai le quatro che saludo con n'alla prossima e me fiondo en tel polverom de Trembelem.... quel del cantier....






No, i sci no se i mette alla macchina...
ma neanca dosento metri sora...
...ma subit se parte a razzo!
Che bella nef!!!
E allor... ecco el prim Berg Heil della stagiom scialpinistica!! E come se podeva daverzerla meio che co na bona pizza e na latta de birra a 3200??!!
...e adess basta molarla vers val... gran polverom fim ai 2500, po' sotto i 2350 a dribblar sassi... po' i ultimi 150 metri meio trar i assotti sulla schena! E adess, che la nef la gh'e'... basta nar!


Ste pagine l'e' stae cargade volte da visitatori dal 3 de agost 2005